正斗一直以來都好有水準，趁住阿妹放學帶佢同我媽咪食咗一餐lunch，我同妹妹都係豬膶迷😆但我哋一定要食到高質嘅黃沙豬潤，如果唔係好容易有浸腥味，嗰日去到正斗order咗黃沙豬膶粥，粥底超滑、超香，豬膶仲好嫩滑，真係一流！跟住就係我就叫埋豬潤腸粉，腸粉皮薄得嚟煙韌，豬潤又滑又入味，配埋豉油真係無敵👏🏻👏🏻👏🏻
經理推薦嘅酸薑皮蛋，個樣都睇落好正，全部皮蛋糖心，好香濃，皮蛋控一定要試有，配埋酸薑勁開胃🤤
仲有叫咗豬手麵，豬手煮得好腍好入味，膠質滿滿，啲麵又彈牙，呢一個都係值得推薦！
妹妹就揀咗佢哋嘅叉燒包同炸雲吞，真係冇得輸！包皮鬆軟，叉燒蜜汁味勁濃郁，好味😋
炸雲吞炸得完全唔油膩，好脆口，大人同小朋友都勁鍾意。
我自己呢就鍾意食辣，所以叫咗麻辣魚皮，我哋都總算係叫得多嘢，所以配埋啲重口味嘅嘢食又可以開大啲我個胃，魚皮超爽口，竟然做到好入味，有驚喜！
最後我叫埋桂花糕，甜度啱啱好，桂花香氣濃郁，清新又唔膩口，完全中和返我個口腔😌
食完超滿足！ 決定下次佢放學再帶佢食多餐😆😆😆
