📍正斗粥麵專家 (新城市廣場一期) (沙田)夜晚想同屋企飲茶食點心，揀咗去正斗粥麵專家。估唔到佢哋夜晚都有點心食，而且款式仲好多！🌟蟹籽燒賣皇$54大粒爆餡，賣相吸引。係經典嘅冬菇豬肉蝦肉餡，彈牙有肉汁，鮮味有層次。🌟蝦餃$52用大隻蝦肉做餡料，味道十分鮮甜。🌟叉燒飽$48大隻多餡料，啖啖都食到甜口嘅叉燒餡。用嘅叉燒肥瘦適中。🌟雲吞撈麵$86份量比起想像中多。雲吞唔算好大隻，但係雲吞皮又薄又滑，鮮蝦餡味道鮮甜，令人好滿足。麵條撈埋湯同蠔油都係咁彈牙。🌟星州炒米$128炒得有鑊氣，咖喱醬偏甜冇咩辣味。我鐘意佢哋除咗有大量爽蝦，仲要有唔少叉燒絲。叉燒炒完都仲係好腍好香甜。下次一定要試下佢哋嘅燒味。🌟五柳醬酥炸雲吞6件$78酥脆可口，餡料鮮甜。五柳醬開胃又解膩。📍正斗粥麵專家 (新城市廣場一期) (沙田)沙田沙田正街18-19號新城市廣場一期1樓119號舖
